Raportet e marra nga autopsia heqin dyshimet për ndonjë vrasje të DJ-it të njohur suedez Avicii, i cili ndërroi jetë në Oman tre ditë më parë.
Pas dy autopsive të realizuara, mësohet se nuk ka dyshime për vrasje, ndërsa komplikacionet shëndetësore mbeten ende i vetmi dyshim.
Pas përfundimit të autopsive, familja e tij ka udhëtuar drejt Omanit për të kthyer në shtëpi trupin e pajetë të 28-vjeçarit. Vëllai është nisur drejt Oman (vendit ku Avicii u gjet i vdekur) për të kërkuar përgjigje se pse ai ndërroi jetë.
Ndërkohë, në Suedi kanë nisur homazhet nga fansat në nder të një prej talenteve më të mëdha të muzikës elektronike.
