Boksieri shqiptar goditi me kokë kundërshtarin në mënyrë të pavullnetshme në raundin e dytë, duke bërë që Schwarz të binte në tokë dhe të humbte kthjelltësinë. Kjo bëri që Gashi të ndëshkohet me dy pikë dhe sfida vijon por gjermanët duket se nuk kanë ndërmend të boksojnë ndershëm.
Boksieri Schwarz simulon në dy kontakte të tjera të lehta, duke bërë që në raundin e 4-t arbitrat të skualifikojnë boksierin shqiptar.
Kjo ka nervozuar Gashin dhe trajnerin e tij, që sulmojnë fizikisht gjermanin, duke bërë që në ring të duhej ndërhyrja e forcave të sigurisë për të marrë nën kontroll situatën, që për pak degjeneroi në një sherr masiv.
Pas kësaj situate Gashi u skualifikua, duke pësuar kështu humbjen e parë në karrierën e tij si profesionist.
