Kryeministri holandez Mark Rutte tha se kërkesa e politikanëve turq për të bërë fushatë në vendit e tij është “një situatë e padëshiruar”.
Rutte iu përgjigj pyetjeve pas takimit të kabinetit të premten dhe deklaroi se, ashtu si fushata përpara referendumit kushtetues në prill 2017, ata nuk duan të shohin anëtarë të qeverisë turke për zgjedhjet e 24 qershorit në Holandë.
Holanda nuk i dha leje zyrtarëve të qeverisë turke në mars të vitit të kaluar për të bërë propagandë për referendumin e amendamentit kushtetues. Ministri i Politikave Familjare dhe Sociale Fatma Betül Sayan Kaya u shpall persona non grata dhe u dëbua nën përcjelljen e policisë dhe Ministri i Jashtëm Mevlüt Çavuşoglu nuk u lejua të mbërrinte më 11 mars. Këto incidente u ndoqën nga një krizë diplomatike mes dy vendeve.
Ndërkohë, edhe kanceri u Austrisë, Sebastian Kurtz tha se nuk do të dëshironte të shihte në vendin e tij politikanë turq duke bërë fushatë.
“Udhëheqja turke e Erdoganit po përpiqet të shfrytëzojë komunitetet me origjinë turke në Evropë për shumë vite”, tha kancelari Kurz për radio ORF në komentet e transmetuara të premten. “Shfaqjet e fushatës zgjedhore turke në Austri janë të padëshiruara dhe për këtë arsye nuk do t’i lejojmë më”, shtoi ai.
Opozita e Austrisë ndaj ngjarjeve të tilla, megjithatë, nuk është e re.
Kancelari i mëparshëm social demokrat, tha vitin e kaluar se ai do të përpiqet të ndalojë çdo paraqitje të fushatës nga ministrat turq. Një ligj që atëherë është miratuar duke i dhënë qeverisë fuqi më të madhe për të ndaluar tubimet politike të huaja.
Disa qindra mijë njerëz në Austri janë turq ose me origjinë turke.
Konservatorët e Kurz janë në një qeveri koalicioni me Partinë e Lirisë kundër Islamit, duke e bërë Austrinë vendin e vetëm evropian perëndimor që të ketë një parti të ekstremit të djathtë në qeveri. Të dyja partitë besojnë se Bashkimi Evropian duhet të ndalojë bisedimet për pranimin e Turqisë në BE.
Duke reaguar për këtë, presidenti turk Rexhep Tajip Erdogan paralajmëroi Austrinë. “Këto masa të marra nga Austria do të bien mbi ta”, tha Erdogan në një intervistë me stacionin NTV, siç raportoi agjencia e lajmeve AFP.
