Policia ka arrestuar një 37-vjeçar, i cili ka vjedhur katër kabina të kompanive telefonike dhe të internetit në Durrës.
Romeo Këmbaci është kapur në flagrancë pasditen e së premtes, në lagjen Nr.17, duke vjedhur bateritë e kabinave të një kompanie interneti.
Ai i ka kryer vjedhjet në bashkëpunim me Bledar Ismaili, një shtetas të arrestuar më 17 prill 2018.
“Dokumentohen me prova ligjore 4 vjedhje të dyshuara të kryera nga Romeo Këmbaci, në bashkëpunim me një shtetas tjetër të arrestuar, Bledar Ismaili me datë 17.04.2018,”-raporton policia.
Vjedhje e tjera të kryera:
1. Më datë 07.04.2018 në bashkëpunim me shtetasin Bledar Ismaili, në lagjen Nr.13 dyshohet se kanë vjedhur kabinën e një kompanie interneti.
2.Më datë 08.04.2018 në bashkëpunim me shtetasin Bledar Ismaili, në lagjen Nr.8 dyshohet se kanë vjedhur me thyerje kabinën e një kompanie telefonike ku kanë marrë dy bateri.
3. Më datë 19.04.2018, në lagjen nr.9 dyshohet se ka vjedhur kabinën e një kompanie interneti.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Vjedhja në bashkëpunim”parashikuar në nenin 134/2 të Kodit Penal.
