“Askush nuk mund të bëj si zot shtëpie tek shtëpia e tjetrit”. Keshtu ka deklaruar kreu i Komunitetit Musliman shqiptar, Skënder Bruçaj.
Ai ka qene i ftuar mbrëmjen e djeshme në emisionin “JAVA” në RTSH me analistët Preç Zogaj dhe Lorenc Vangjeli si dhe gazetarin investigativ Artan Hoxha, ku shprehu shqetësimin për qasjen e liderit turk, Rexhep Erdogan, ndaj shqiptarëve në rajon.
Brucaj ka thene se ai kërkon të marrë një rol që nuk i takon. Teksa thekson miqësinë e hershme si dhe mbështetjen e Turqisë ndaj komunitetit mysliman, Bruçaj deklaroi me shqetësim se “populli shqiptar mikun e vendos gjithmonë në krye të vendit, por kur ky, pavarësisht respektit, kërkon të jetë edhe zot shtëpie atëher kjo bëhet e papranueshme”.
Bruçaj shprehu mbështetjen në emër të komunitetit mysliman shqiptar për rakomandimin pozitiv nga Komisioni Europian.
“Komuniteti Mysliman ka një rol thelbësor në themelimin e shtetit shqiptar, në përcjelljen e mesazheve universale të paqes, tolerancës dhe bashkëjetesës fetare. Ne jemi shumë të gëzuar për këtë rakomandim, i cili i shërben interesave të vendit dhe shtetit shqiptar të cilat komuniteti mysliman i konsideron prioritare”- tha ai.
