Hunter Hobbs ka fotografuar veten çdo ditë për tre muaj radhazi, periudhë gjatë së cilës ai i është përkushtuar palestrës dhe dietës rigoroze.
Fotografitë i ka bashkuar dhe përmes tyre ka krijuar një video e cila e shfaq transformimin e tij tre-mujor.
Hobbs, ka humbur 20 kilogramë ndërkohë që ka shtuar muskuj përgjatë kësaj periudhe.
Ai ka shkuar në palestër pesë deri në gjashtë herë brenda jave, ka bërë peshëngritje dhe çdo sesion e ka mbyllur me 20-30 minuta ushtrime të lehta kardio.
“Rrugëtimi im ka qenë paksa ekstrem, por ju mund të bëni progres të vërtetë edhe me një rutinë dhe dietë më pak ekstreme”, ka shkruar ai.
24-vjeçari ka pranuar se kjo sfidë ka qenë pak a shumë eksperiment i dizajnuar për të parë se çfarë do të ndodhte vërtet nëse do t’iu përkushtohej në mënyrë ekstreme dietës dhe palestrës.
