I ftuar në studion , deputeti demokrat, Luçiano Boçi, u shpreh se vendimi i sotëm i Gjykatës për 11 protestuesit ishte një vendim politik.
Sipas tij sot askush nuk duhej të mbahej në burg, pasi ata janë që të gjithë të pafajshëm.
‘Ishte një vendim politik ky i sotmi i dhënë nga Gjykata. Ajo që më bëri habi në sallën e gjyqit ishte se në vendimin e gjykatës nuk u cilësuan me emër dhe mbire 4 protestuesit që do të qendronin në burg. Si rregull gjykata duhet të cilësonte këta persona. Ne jemi të bindur në pafajësinë e qytetarëve dhe ata duhet të ishin liruar të gjithë. Ne kemi të bëjmë me një kryeministër i cili në fillim takson, pastaj tërhiqet, fut në burg qytetarët, më pas kërkon kohë. Ne si deputetë të PD-së udhëtuam drejt Shkodrës si shenjë solidariteti ndaj protestuesve, nuk kishte asnjë skenar brenda. Sot gjykata tregoi se arrestimi i tyre ishte politik dhe i inskenuar. Protestat do të vazhdojnë sërish. Sikur edhe 1 qytetar të jetë në burg ne do të vazhdojmë me të njëjtin qëndrim’, u shpreh Boçi.
