Të gjitha protestat, ankesat, rropatjet e naftëtarëve të Ballshit që erdhën në këmbë deri në Tiranë pasi ishin lënë pa u paguar nga kompania që mori në administrim rafinerinë, nuk e kanë lëkundur besimin e Edi Ramës se kompania IRTC ishte një investitor serioz. Pas mbledhje së qeverisë që u zhvillua në Fier, Rama u pyet nga gazetarët për dështimin e kompanisë.
Kryeministri jo vetëm e shfajësoi kompaninë që la naftëtarët rrugëve, por Rama përsëriti të njëjtin vlerësim që kishte bërë kur e prezantoi në nëntor të 2016, kur e quajti një investitor serioz.
Në videot më poshtë, është e njëjta deklaratë e Ramës në prezantimin e kompanisë dhe protestat e naftëtarëve për rrogat e prapambetura, ashtu edhe videot që tregojnë naftëtarët e Ballshit duke pritur para bankomatit rrogat e prapambetura.
