Kryeministri Edi Rama i ftuar në “Vizion plus”, ka folur për vendimet e DASH për shpalljen “non grata” në SHBA të ish-kryeprokurorit Adriatik Llalla dhe deputetit Tom Doshi.
Rama shprehet i habitur për vendimin ndaj Doshit nga DASH dhe i keq ardhur, por nuk ka komentuar më gjatë pasi sipas tij nuk ka informacion të mjaftueshëm.
Gjithashtu, kryeministri ka mbajtur të njëjtin qëndrim edhe për ish-kryeprokurorin Llalla, duke theksuar se nuk është diçka e mirë pasi ka qenë një nga drejtuesit e sistemit të drejtësisë në Shqipëri.
“Me thënë të drejtën u surprizova dhe jam i keqardhur, s’kam cfarë them më shumë se s’kam as informacion për këtë, jam shumë i keqardhur por…”
Pyetje: Për zotin Llalla keni ndonjë koment rreth të njëjtës gjë?
Rama: I keqardhur, të njëjtën gjë kam. Natyrisht nëse ndodh një gjë e tillë s’mund të të vijë mirë se ka qenë ish kryeprokuror i Republikës.
