Pierluigi Collina, ish-arbitri italian i zgjedhur 6 herë si gjyqtari më i mirë i vitit në kohën kur ishte ende në aktivitet, tani në moshën 58-vjeçare, do të rikthet sërish në fushën e gjelbër për të vendosur drejtësi.
Këtë herë bëhet fjalë për takimin mes UEFA-s dhe Kombeve të Bashkuara, ku do të zbresin në fushë shumë legjenda të futbollit botëror. Ekipet do të drejtohen nga ana e Karlo Anchelotit dhe Didier Deshamps, ku nuk do të mungojnë figura si Ronaldinho dhe Luis Figo.
Ndeshja do të zhvillohet në datën 21 prill në Zvicër dhe të ardhurat do të shkojnë për shoqatën “UEFA Foundation for Children”, që në thelb ka qëllime humanitare.
Pierluigi Collina aktualisht është pjesë e UEFA-s dhe mban postin e kryetarit të Komitetit të Arbitrave.
