Një avokat amerikan i ka vënë zjarrin vetes në një park në Nju Jork, në protestë ndaj ndryshimeve klimatike.
David Buckel, 60 vjeç, gjeti vdekjen e menjehershme ndersa trupi i tij u gjet gjet në “Prospect” në Brooklyn.
Në një letër që iu gjet pranë, ai shkruante se i kishte vënë zjarrin vetes me karburant, për të simbolizuar atë që vet njerëzit po i bëjnë Tokës. Ai shkruante gjithashtu se shumë njerëz thithnin ajër të ndotur dhe shumë vdisnin para kohe.
“Ndotja po rrënon planetin tonë, po e bën të pabanueshëm. Po ndot ajrin, tokën, ujin dhe po trazon motin”, shkruante avokati në letrën e tij të fundit, që i ishte dërguar me “e-mail” edhe disa medieve, pak para se trupi i tij të gjendej.
“Vdekja ime e parakohshme nga karburantet reflekton atë që ne po i bëjmë vetes”, shkruante ai.
Buckle ishte avokati kryesor në një rast, në të cilin policia në Nebraska u akuzua se kishte dështuar të mbronte Brandon Teena, një transgjinor adoleshent që ishte përdhunuar, sulmuar dhe më pas vrarë. 
