UEFA do të hedhë sot në Nyon të Zvicrës shortin për fazën gjysëmfinale të dy kompeticioneve të saj, “Uefa Champions League” dhe “Uefa Europa League”.
Fillimisht, në orën 12:00 do të nisë shorti i kompeticionit të dytë për nga rëndësia, “Europa League”. 4 skuadrat e kualifikuara, At.Madrid, Arsenal, Marseille dhe Salzburg.
Më pas, në orën 13:00 radhën do ta ketë trofeu më prestigjioz në Europë për klube, “Champions League”. 4 skuadrat e kualifikuara për në gjysmëfinale janë Real Madrid, Bayern Mynchen, Liverpool dhe Roma.
Detaje të shortit—Që nga faza çerekfinale nuk ka më kufizime, të tipit dy ekipe të një shteti, pavarësisht se në gjysmëfinale kjo mundësi nuk ekziston, pasi 4 ekipet e kualifikuara vijnë nga 4 kampioate të ndryshme.
Ekipi që do të dalë i pari nga goglat do ta luajë ndeshjen e parë në shtëpi.
Në “Champions League”, Andry Shevchenko, ambasador i UEFA-s, do të ndihmojë në përzgjedhjen e goglave, ndërsa në “Europa League” do të jetë një tjetër ambasador, Eric Abidal.
