Reperi i njohur Arkimed Lushaj, i njohur me emrin e artit “Stresi”, është shoqëruar nga uniformat blu të kryeqytetit.
Mësohet se ai mbahet i shoqëruar në Drejtorinë e Policisë së Tiranës, raporton TvKlan.
Mendohet se “Stresi” është shoqëruar pasi i është gjetur kokainë në lokalin ku po qëndronte me disa të rinj.
Nga postimet e fundit që ka bërë në profilin e tij në Instagram, këngëtari sot duhet të jetë në Shkodër në orën 21:00.
Problemet e Stresit me policinë:
Kujtojmë se kohë më parë, Arkimed Lushaj, djali i Sali Lushajt, ish-truproja i Sali Berishës, është arratisur nga ambientet e Komisariatit Nr.3 në rrugën “Mine Peza” në Tiranë, ku ishte ndalur për shkak të mungesës së dokumentacionit në makinë.
Ndërkohë që ishte i shpallur në kërkim, Stresi jo vetëm që nuk është munduar të fshihet por është përfshirë në një incident më Leonard Bombajn. Ky i fundit ishte duke ndjekur një aktivitet në Tiranë, në rrugën “4 Dëshmorët” kur Stresi e ka sulmuar atë me fjalë fyese dhe i ka hedhur një kovë me ujë.
