Ajo njihet si “Cadillac One” ose “Bisha” siç e quan Presidenti Trump, limuzinën e tij personale.
Fotografitë tregojnë një automjetin zyrtar të Presidentit që po i nënshtrohet testimit përfundimtar, përpara se të dorëzohet në Shtëpinë e Bardhë.
General Motors, i cili thuhet se e bëri këtë automjet, kishte shpresuar që ai të ishte gati për inaugurimin e Trump në janar, por thuhet se do të jetë gati këtë muaj.
Makina kushton rreth 15 milionë paund dhe është automjeti më i sigurt në botë, siç i takon Presidentit të Shteteve të Bashkuara.
“Bisha” peshon tetë ton dhe ka dyer çeliku të trasha prej 20 cm që peshojnë njësoj si ato të një avioni Boeing 757 dhe janë vulosur për t’i bërë ballë sulmeve biologjike dhe kimike.
Xhamat e përparmë mund të përballojnë plumba të fortë dhe automjeti është i ngjashëm me modele ushtarake, pasi mund të përballojë shpërthimin e një bombe anës rrugës si edhe rezervuari i karburantit është rezistent ndaj shpërthimit.
Vetëm dritarja anësore e shoferit mund të hapet në rast se duhet të paguajë ndonjë taksë dhe në raste emrgjente si ato të transfuzionit të gjakut të Presidentit.
Ndër tiparet e tjera janë pushkët në bord në rast të shpërthimit të ndonjë sulmi, goma “Kevlar” që vazhdojnë ecin edhe nëse janë shpuar si edhe një sistem oksigjeni në bagazh, në rast të një sulmi kimik.
Një numër armësh janë të fshehura në pjesën e përparme të mjetit që mund të përdoret në rastin e një sulmi.
“Bisha” gjithashtu ka kamera me cilësi të lartë edhe për në errësirë dhe duket se funksionon me naftë .
Trump pritet të udhëtoj me të jo më shumë se 30 minuta udhëtim, pasi në protokollet e sigurisë, Presidenti nuk mund të udhëtojë me këtë makinë në destinacione më të largëta se kaq.
