Një 80-vjeçar, i cili priti rreht 30 orë për të marrë ndihmën mjekësore në spital ka vdekur.
John Williams rrëshqiti dhe goditi kokën në dysheme në shtëpinë e tij në Gowerton, Swansea, mëngjesin e të martës së kaluar. Ambulanca u lajmërua menjëherë, por nuk arriti deri në orën 7:30 të mërkurën, 23 orë pas telefonatës.
I moshuari, për më tepër u detyrua që të priste 7 orë të tjera jashtë spitalit para se të pranohej. Djali i tij Darren tha se mjekët pas tre orësh qëndrimi në spital donin që ta nxirrnin. Por përkeqësimi i gjendjes së Williams i detyroi mjekët ta mbanin në spital.
Williams përfundimisht humbi jetën të dielën.
Darren shprehu indinjatën e tij ndaj sistemit të mjeksor.
“Kjo ishte gjëja e fundit që prisja, nuk mund të mos ndjehem i acaruar ndaj sistemit. Më thanë se pritja më e gjatë për një ambulancë ishte 24 orë, ka shumë vonesa që nuk raportohen,”-tha ai.
