Një femër trasgjinore, e cila u refuzua më parë nga i dashuri aktual, zbulon se partneri ra në dashuri me të kur ajo u prezantua fillimisht si femër.
Erin Anderson, e cila lindi djalë dhe quhej Aaron, thotë se e kuptoi që kishte lindur në trupin e gabuar. Që kur ishte tre vjec ajo nisi të vishte takat e gjyshes, shkruan “Mirror”.
Në moshën 18-vjeçare kontaktoi për herë të parë me fiksimin e saj, Jared Norris, i cili nuk pranoi të lidhej me të. Por, dy vite më vonë Erin nisi trajtimin me hormone femërore për të ndërruar gjini.
Jared i bëri “like” një fotoje të saj në Instagram dhe aty filloi historia e tyre e dashurisë.
Çifti ka dy vite i lidhur tashmë dhe Jared është i lumtur, pavarësisht se partneres së tij i duhet të bëjë operacionin përfundimtar për ndryshimin e gjinisë.
