Shkrimtari Agron Tufa, përmes një postimi në rrjetin social “Facebook” është revoltuar me moderatorin Blendi Fevziu, i cili e ka quajtur të kotë e pa sens debatin e këtyre ditëve mes historianëve për kampin e Tepelenës.
Tufa ka bërë të ditur se është betuar se nuk do t’i shkelë kurrë më Fevziut në studio, ndërsa e ka quajtur një dështak.
Postimi i plotë:
““Debat i kotë dhe i pasens”, e quajti sonte B.Fevziu debatin e këtyre ditëve midis historianëve enveristë, që mohojnë krimet e komunizmit, dhe bllokut solid të kundërshtarëve diskreditues të tyre.
Vërtet që ky Fevzi është dështak në të gjitha fushat e artit e dijes; banal, servil e nercenar, simbol i gjithë këllirësisë së një epoke të tërë postkomuniste, por tani na dalka të na diktojë edhe se çfarë vlen e çfarë s’vlen, çfarë është e plotë, e çfarë është e kotë.
Eh, ç’mund të presësh më shumë prej një ramizisti?!
Qëkurse bëri kontratën me Djallin, duke zgjedhur të jetë “derr i kënaqur”, ai nga ana tjetër, nuk ia fal askujt që lufton për një kauzë.
Kam bërë një betim që nga viti 2005, se nuk do t’i shkel kurrë në studio. Dhe e kam mbajtur!”, – ka shkruajtur Tufa.
