Lëkurë shumë të bardhë dhe veshët me majë. Luis Padron, djali Elf, më i veçantë në botë ishte i ftuar dje në emisionin e drejtuar nga Barbara D’urso Domenica Live.
26 vjeçari është nga Argjentina dhe shprehet “Vendosa të bëhesha njeriu-Elf kur isha 14 vjeç sepse ndihesha ndryshe”
Djali – Elf i është nënshtruar 40 operacioneve plastike, ndër të cilët, zbardhja e lëkurës, por do i nënshtrohet sërish për të përfunduar transformimin e tij për të patur veshët tipik të figurave të përrallave.
Për operacionet e tij ka shpenzuar deri tani plot 70 mijë dollarë.
Djali vendosi të ndërmerrte këtë hap, pas një adoleshence shumë të vështirë, të cilën e ka kaluar duke u fshehur pas një bote fantastike si ajo e përrallave, e cila ishte e vetmja mënyrë ku mund të “shfryhej”, derisa vendosi të bëhej një elf me të gjitha efektet.
Për të realizuar ëndrrën e tij nisi me lipostucionin e nofulës, për të vazhduar me rinoplastikën (ndërhyrja në hundë), depilimi i të gjithë trupit, zbardhja e lëkurës me lazer, si dhe operacioni për qepjen e flokëve.
