Kreu demokrat Lulzim Basha ka mbledhur Kryesinë e PD dhe më pas Grupin Parlamentar, një ditë para zhvillimit të protestës së paralajmëruar javën e kaluar.
Sot Basha zhvilloi një takim me përfaqësues të biznesit të vogël, të cilët nesër do të ulin qepenat nga ora 11:00 deri në 12:00 në formë proteste ndaj qeverisë për përfshirjen e tyre në skemën e TVSH dhe rritjen e taksave.
Basha i dha mbështetjen sot biznesit të vogël në këtë protestë. Duket se mbështetja e protestës së biznesit të vogël, por edhe vijimi i aksionit të mosbindjes qytetare, janë çështjet që po trajtohen në mbledhjet e njëpasnjëshme në selinë e PD-së.
