Si të vlerësosh një propozim për punë? Cilët janë parametrat që duhen konisderuar në vendimin për të ndryshuar punë?
Sigurisht që nuk duhet marrë në konsideratë vetëm aspektin ekonomik, por duhet parë në mënyrë gjithëpërfshirëse, impakti që pozicioni i ri i punës do të ketë në jetën tonë.
Nuk duhet të harrosh që aktiviteti i punës na mban të angazhuar për pjesën më të madhe të ditës – koha e dedikuar punës është shumë e madhe! Ja pse duhet të njohim mirë elementët që duhet të përdorim për të vlerësuar një propozim për punë të re.
Këshillat që duhen mësuar për të vlerësuar një vend të ri pune
Gjëja e parë është që të mos marrësh një vendim të nxituar! Edhe në rastet kur ai vend pune nuk duhet humbur, sepse është nga ato raste që të jepet vetëm një herë në jetë, mund të pritet ndonjë orë për të vlerësuar të gjitha aspektet e zgjedhjes.
Në të gjitha rastet, edhe pse oferta ekonomike dhe profesionale mund të të duket shumë tërheqëse, është e nevojshme të peshosh avantazhet dhe disavantazhet e punës së re. Të vlerësosh një propozim pune me vëmendjen më të madhe të mundshme na bën të mos zhgënjehemi më vonë se kemi lënë një punë më të mirë, ose thjesht një punë që na pëlqente.
Ndodh shpesh që dëshira e madhe për të ndryshuar dhe entuziazmi për një mundësi të re profesionale na bën të mos vëmë në peshore elemntët e nevojshëm për ta kuptuar plotësisht situatënn e re. Përgjegjësia për një zgjedhje të gabuar nuk është vetëm për atë që i thotë po propozimit, por edhe shefit të ardhshëm i cili nuk është në gjendje ta paraqesë atë në mënyrë korrekte.
Edhe në anën tjetër të tavolinës mund të ketë gjithashtu një nevojë të menjëhershme dhe urgjente për të gjetur kandidatin për pozicionin e hapur dhe kjo mund të shkaktojë një komunikim të keq drejt nesh, me pritshmëri të rreme ose të tepruara. Këtu janë një sërë pyetjesh për të mësuar se si të vlerësohet një ofertë e re pune.
Skema e vlerësimit të propozimit për punë
Nëse ke marrë një propozim për punë, përpara se të pranosh punën e re, duhet të marrësh kohën e mjaftueshme për të reflektuar mbi veten dhe pozicionin e ri të punës.
Refleksionet mbi veten
Forca jote kontarktore në raport me tregun e duhet vlerësuar njëkohësisht ekzigjenca reale e gjetjes së një pune të re.
*cilat janë aftësitë e mia dhe limitet e mia profesionale
*cilat janë potencialet e mia të zhvillimit dhe rritjes profesionale
*cilat janë karakteristikat e mia personale
*cilat janë kërkesat e mia personale
*cilat janë aspiratat e mia
Refleksione mbi ofertën e punës
Në këtë rast duhet vlerësuar kompania që ka bërë ofertën, pozicionin e ri dhe lloji i pozitës së propozuar; të gjithë këta faktorë duhet të konsiderohen me kujdes për të ditur se si të vlerësohet një propozim të ri pune që është bërë
*prej sa vitesh operon në treg kompania që më ka bërë propozimin?
*ka patur ndryshime organizative kohët e fundit?
*çfarë produktesh apo shërbimesh shet?
*si pozicionohet krahasuar me konkurentët?
*cila është gjendja ekonomiko-financiare e saj?
* sa të punësuar ka?
* në cilin drejtim është pozicioni i ofruar
* nga cilat funksione varet?
* në çfarë përgjegjësishë do të gjendem?
* do të më duhet të drejtoj një buxhet apo njerëz?
*çfarë pozicionesh mbulojnë kolegët e ardhshëm?
*cili është titulli i pozicionit?
* cili do të jetë aktiviteti për tu zhvilluar?
*cili do të jetë objektivi kryesor për tu arritur?
*cilat do të jenë projektet që duhet të ndiqen?
*do të punohet vetëm, çift apo në grup?
* në perspektivë, si mund të zhvillohet ky pozicion pune?
Mos u druaj për të bërë pyetje sepse dëshmojnë një vëmendje reale drejt pozicionit të propozuar dhe një interes për të kuptuar mirë të gjitha anët; kjo do të jetë edhe një shenjë që nuk je person sipërfaqësor dhe që i peshon mirë zgjedhjet e tua.
