Shpëtim Duro ka folur për ndeshjen e ditës së nesërme ndaj Skënderbeut. Vlonjatët arritën ta mposhtin ekipin korcar këtë mesjavë në Kupën e Republikës por sipas trajnerit të kuq e zinjve kjo e nesërmja do të jetë një ndeshje krejtësisht tejtër.
“Ndeshja e kampionatit nuk ka lidhje me atë të Kupës së Shqipërisë në Korçë, ku ne fituam. Do të thosha se më mirë kemi luajtur me Kukësin në fushën tonë, edhe pse humbëm, se ndaj Skënderbeut. Fitorja do të ishte shumë e rëndësishme, sepse më pas kemi një kalendar më të favorshëm, që duhet ta shfrytëzojmë.
Kundërshtari është më i qetë, pasi thuajse e ka siguruar titullin kampion. Presioni është mbi ne, ngaqë na duhet rezultati. Kam besim se do të bëjmë një ndeshje të mirë dhe do të dalim në fushë vetëm për fitoren ”, shprehet Duro. Flamurtari pas Skënderbeut ndeshet me Lushnjën dhe Teutën në shtëpi cka duket se është një kalendar disi i favorshëm.