Kjo e verës pritet të jetë një merkato e çmendur. Sipas “Daily Star” Manchester United nuk është dorëzuar për shërbimet e Neymar, edhe pse kohët e fundit është përfolur shumë për transferimin e brazilianit te Real Madrid në vitin 2019.
Sipas burimeve brenda skuadrës, klubi i “Old Trafford” po studion terrenin për të siguruar kartonin e sulmuesit të Paris Saint-Germain dhe për këtë ka një plan.
“Djatë e Kuq” mendojnë t’i ofrojnë klubit parizien kartonin e Paul Pogba dhe Anthony Martial, si dhe rreth 50 milionë euro shtesë për Neymar.
Rrethanat që shtojnë zërat për kryerjen e këtyre transferimeve janë këto:
Për stilin e lojës, Pogba dhe Martial nuk kanë liri totale nga Jose Mourinho, që do të kthente Neymar në sulmuesin kryesor.
Me trajnerin portugez, të dy lojtarët e kombëtares së Francës nuk kanë vazhdimësi dhe nuk luajnë në rolin ku japin rendiment më mirë.
Vlera aktuale e merkatos së Paul Pogba është 90 milionë euro ( u paguan 105 milionë për angazhimin e tij), ndërsa vlera e Martial është rreth 60 milionë euro, nga 65 milionë që u paguan për kartonin e tij.
Dhe nëse mbledhim vlerën e tyre në merkato shkon 155 milionë, nga 180 milionë që është aktualisht e Neymar, i cili është i dëmtuar.
Fantamerkato? Jo sipas “Daily Star, që raporton se nga ana tjetër Paris Saint-Germain dëshiron prej kohësh të dy lojtarët e Manchester United, si Pogba ashtu edhe Martial. Gjithashtu dihet se Mourinho është fans i brazilianit Neymar dhe do të bëjë të pamundurën për ta marrë.
