Kreu i demokratëve, Lulzim Basha ka deklaruar sot mbështetjen e plotë të opozitës për artistët kundër shembjes së godinës së Teatrit Kombëtar.
Ai ka lëshuar akuza të forta në adresë të Ramës, për të cilin ka deklaruar se ‘Që kur u ul në karrigen e Ministrisë së Kulturës, Rama ka pasur një projekt për TK, kullën, si opozitë nuk jemi habitur por revoltuar për shkatërrimin e TK”- tha Basha.
Sipas tij, qëndresa e artistëve është e drejtë për kujtesën kombëtare, kujtesën historike, është e rëndësishme të jemi në krahun e tyre në të gjitha format dhe mënyrat.
“Diskutuam për gjendje katastrofike të artit dhe kulturës, opozira do të ndërtojë projekt kombëtar për artin dhe kulturën, do e propozojmë në kuvend dhe do e mbrojmë në Kuvend. Kryeministri, që vinte nga bota e artit se nuk vjen më, është kompleksi i artistit të dështuar që e con ndaj urrejtjes ndaj artit, po ushtron projekt leninist për të asgjësuar një tjetër vatër të mendimit ndryshe, po i ul kokën artistëve, të asgjësojë elitën kombëtare që projekton mendimin ndryshe. Ne jemi në krahë të artistëve, teatri nuk do të shembet”- tha ai.