Benevento është ekipi i parë që është i sigurt drejt rënies nga kategoria në elitën e futbollit italian, teksa ka grumbulluar vetëm 13 pikë në 31 ndeshjet e zhvilluara.
Megjithatë në ndeshjen e sotme ndaj Juventusit, Benevento në të cilën aktivizohet edhe Berat Gjimshiti tregoi karakter, duke i bërë kampionët e Italisë të vuajnë në pjesën më të madhe të ndeshjes, pavarësisht fitores së marrë në fund me rezultatin 2-4.
Në një intervistë për “Sky Sport”, trajneri i Beneventos është shprehur: “Merkato e janarit e ka ngritur shumë nivelin e ekipit tonë. Por fatkeqësisht kampionati italian nuk nis tani dhe tashmë na mbetet vetëm të respektojmë ndeshjet e fundit që do të zhvillojmë në Serinë A”, ka thënë De Zerbi.
