Pep Guardiola-n e pret një ndeshje shumë e vështirë ditën e nesërme kundër Manchester United, e megjithatë, ai një sy e ka në takimin e kthimit çerekfinal të Ligës së Kampioneve kundër Liverpool.
Një fitore në derbi do t’ia bënte thuajse punë të mbaruar “Qytetarëve” fitimin titullit e kampion, madje ata do të krijonin një diferencë prej 19 pikësh me ndjekësit e vendit të dytë, “Djajtë e kuq”. Për më tepër që në vazhdim kanë një mundësi të mirë që të thyejnë edhe rekordin e vendosur nga rivalët e qytetit sa i përket diferencës në pikë me ndjekësit si kampionë. Ndërkohë, që përmbysja e rezultatit 3-0 duket si diçka shumë e vështirë për t’u arritur në takimin kundër “të kuqve”.
“Ne do të mendojmë për Ligën e Kampioneve menjëherë pas Manchester United. Duam të krijojmë ritëm të mirë. Liverpool është thuaje i kualifikuar për në gjysmëfinale. Por pak shpresë ka. Ne do të përpiqemi.
Nuk ka dyshim që do të luajmë për fitore ndaj United, por gjithashtu një sy do ta kemi nga e marta. Çfarëdo që të ndodhë në derbi, ne kemi edhe 6 shanse të tjera.
Jemi 16 pikë para dhe kjo është diçka shumë e mirë. Është thuajse e mbaruar. Është njësoj si situata që ndodhet Liverpool”, deklaroi tekniku i City-t.
“Qytetarët” kanë qenë të pandalshëm në Premier League këtë sezon, duke e lënë United dhe Mourinho-n që të luftojnë vetëm për vendin e dytë. Gjithsesi portugezi nuk ka ndërmend të justifikohet për këtë ecuri të skuadrës.
“Motivimi im është që ta mbyllim të dytët. Ende e kam motivimin të dalim ndër 4 ekipet më të mira. Matematikisht nuk e kemi mbyllur këtë gjë ende. Këtë kemi objektiv të parë e unë nuk fshihem.
Është e njëjta gjë si të dalim të dytët, të tretët apo të katërtit. Do të marrim pjesë në Champions. Por ne kemi qenë gjatë të dytët në renditje e do të luftojmë për këtë.
I pyetur nëse “Djajtë e kuq” shpresojnë që ta mbyllin diferencën me City-n sezonin tjetër, portugezi u përgjigj: “ Do ta shikojmë në fund diferencën në pikë dhe se ku jemi.
Tekniku i United e bëri të qartë se ai nuk ndikohej fare nga shkatërrimi që rivalët e qytetit pësuan nga Liverpool në Champions. “Nuk jam analist futbolli, nuk komentoj për ndeshjen”, përfundoi ai.
