Në merkaton e verës te Juventusi pritet të ketë ndryshime. Sipas revistës “Chi”, sulmuesi ka marrë vendim që të mos firmosë kontratën e re me pronarët e shtëpisë ku po jeton në Torino, dhe ky është një sinjal i qartë se lojtari po largohet nga Juventusi dhe ofertat në drejtim të tij nuk kanë munguar.
I njëjti burim bën me dije se është Barcelona, klubi ku Dybala do të aktivizohet në të ardhmen dhe do të gjejë bashkëkombasin, Lionel Messi.
Madje ka qenë futbollisti i njohur që e ka kërkuar talentin e Juventusit në skuadër. Por, për të kryer një transferim të tillë, Barcelona duhet të derdhë miliona euro në arkat e klubit juventin.
