Deputeti i Partisë Demokratike, Ervin Salianji i ftuar në “360 Gradë” në Ora News, thotë se kryeministri Rama nuk është tërhequr nga taksat për Rrugën e Kombit.
Salianji: Kryeministri nuk i dëgjoi, qytetarët e fituan të drejtën me forcë. Rriskuan gjithçka qytetarët e Kukësit për të fituar një të drejtë që sot ua jep edhe kryeministri. Kryeministri del nga kulla e vet dhe tallet me qytetarët, ndërkohë që qytetarët janë në burg. Duhet të ishte ndryshe.
Kryeministri duhet të ishte në qeli, qytetarët në liri. Faljet për sy e faqe janë kot. Kërkon të ulë tensionin qytetar. Kryeministri thotë se nuk do ta heqë tarifën, thotë do ta ulë.
Kryeministri po sillet më keq se sa serbët si pushtues. Serbët i arrestonin në Prishtinë dhe i dënonin në Beograd.
Kjo protestë e qytetarëve të Kukësit është protesta më qytetare në 10 vite. Ka pasur reagim proporcional të provokuar nga policët.
Policë që qëllojnë me gurë nuk kisha parë.
