Opozita ka bërë një tjetër lëvizje për zgjerimin e protestave në të gjithë vendin, duke diskutuar edhe për format e saj. Pritet që në Partinë Demokratike të mblidhen përfaqësues të të gjithë partive opozitare dhe në qendër të diskutimeve do të jetë vijimi i protestave kundë qeverisë.
Kjo nismë është në kuadrin e një reagimi masiv për mosbindje civile, një aksion opozitar që synon rrëzimin e kryeministrit Rama.
Ndërkohë, po sot mësohet se rreth orës 18.30 para Komisariatit të Kukësit pritet të mblidhen protestues të cilët kërkojnë lirimin e 11 personave që u lanë në burg nga gjykata, të akuzuar për ngjarjen e 31 marsit në afërsi të tunelit të Kalimashit, ku u shkatërruan sportelet e kompanisë që vilte taksën në Rrugën e Kombit.
