Bandat e drogës, të kontrolluara nga kriminelët nga vendet e Europës Lindore dhe Shqipëria, kanë ndikuar në valën në rritje të krimit në Londër.
Pikërisht kështu është shprehur deputetit i Tottenham, David Lammy në një intervistë për emisionin “Today” në BBC Radio , i cili tha se gjetja e drogës “është njësoj si të porosisësh pica”, duke e krahasuar situatën me “McMaffia”, një dramë e BBC për gangsterët rusë.
Lammy akuzoi udhëheqësit politikë se nuk po bëjnë asgjë për të ndryshuar këtë situatë, teksa krimi i dhunshëm në rrugët e Londrës, ku së fundmi kanë mbetur katër të vrarë, ishte më i tmerrshmi që ai ka parë në 18 vjet si deputet.
Ai shtoi se “nuk është një rast i vetëm, por një luftë midis bandave është çështja kryesore”, duke u referuar se pas tregjeve të drogës fshihen banda të mëdha nga Europa Lindore dhe Shqipëria”.
Lammy tha se policia dhe forcat kufitare nuk kishin burimet e nevojshme për t’u marrë me bandat, por kjo situatë është injoruar edhe nga politikanët dhe nuk është debatuar në Parlament. “Bandat e drogës duhet të zhduken”, përfundoi ai.
