Forca të shumta të policisë kanë vendosur nën masa të forta sigurie Gjykatën e Tiranës ku do të zhvillohej seanca e masës së për të ndaluarit e protestës së Rrugës së Kombit.
Të 23 të ndaluarit e protestës së Rrugës së Kombit janë transportuar të ndarë në grupe prej komisariateve ku qëndronin të ndaluar drejt Gjykatës së Tiranës.
Trupa gjykuese vendosi të zhvillohej seanca me dyer të mbyllura, çka ka sjellë dhe tensione me deputetët e opozitës të cilët kanë kërkuar të jenë prezent së bashku me familjarët.
Nënkryetari i PD-së, Edmond Spaho, në bisedë telefonik ka kërkuar nga Ministri i Brendshëm Fatmir Xhafaj të tërheqë forcat e rendit dhe të lejohet pjesëmarrja e opozitës në sallë.
Para medias Spaho është shfaqur me shenja dhunë, teksa e konsideron situatën si shenja të një diktature.
Pas një pushimi të shkurtër, trupa gjyqësore ka vendosur lejimin e deputetëve, por jo të mediave.
Ndërsa kanë qenë vetë deputetët të cilët kanë orfuar pamje nga zhvillimet në seancë. Salla e mbushur me deputetë të PD dhe LSI është mbikqyrur po ashtu nën masa të rrepta.
Ndërsa jashtë gjykatës familjarë të tjerë kanë vijuar me protestën.
