Pas pesë vitesh Instituti i Statistikave merr pavarësinë nga Kryeministri.
Drejtori dhe Struktura organizative e INSTAT-it do të miratohen me vendim të Kuvendit, pagat i mbeten qeverisë.
Ndryshimet në ligjin e 2013 ‘Për Statistikat Zyrtare’ të ligjit të 2004-ës, janë diksutuar në komisionet kuvendore. Projektligji është miratuar në Komisionin Kuvendor të Ekonomisë.
Referuar ndryshimeve, Drejtori i Përgjithshëm emërohet dhe shkarkohet nga Kuvendi, jo më nga kreu i Qeverisë.
Kriteret që duhet të plotësojnë kandidatët janë; titulli doktor në shkencat ekonomike ose ekzakte dhe një përvojë pune jo më pak se 10 vjet.
Ndryshimet në ligj kanë fuqizuar rolin e Drejtorit të Përgjithshëm dhe gjithashtu i kanë shtuar detyrat atij.
Në bazë të ligjit të ri, pritet të krijohet struktura e Bordit Drejtues dhe drejtori i përgjithshëm i INSTAT parashikohet te jetë kryetar i tij.
Bordit Drejtues ka te drejta vendimmarrëse dhe përbëhet nga nëpunësit civilë të nivelit më të lartë të strukturës organizative të INSTAT-it, por jo më të ulët se niveli i mesëm drejtues.
Parashikohet që Zv/ Kryetari i Bordit të cilit mund ti delegohen detyra vetëm menaxheriale.
Do të ketë një vendimmarrje të “mbyllur” brenda për brenda INSTAT-it ku vota e Drejtorit të Përgjithshëm është përcaktuese në rastin kur ndodhen në barazi votash.
Nivelet e pagave të nëpunësve civilë dhe punonjësve administrativë miratohen me vendim të Këshillit të Ministrave.
Këshilli i Statistikave nuk është me organ drejtues por këshillimor. Anëtarët e Këshillit kanë mandat 5 vjecar.Në strukturën e INSTAT-it krijohet Qendra e Trajnimit Statistikor, e cila do të bashkëpunojë me ASPA.
Këshilli i Ministrave miraton rregulla të hollësishme mbi mënyrën e organizimit të këtyre trajnimeve, masat e tarifave dhe mënyrat e përdorimit të tyre.
Varësia e INSTAT nga Kryeministri u vendos me ligj në janar të 2013-ës në kohën e qeverisë Berisha. Ligji u miratua në atë kohë pa votat e opozitës.
Deputetët socialist, në opozitë në atë kohë, kundërshtuan ndryshimet duke u shprehur se ky institucion duhet të jetë në varësi të Kuvendit dhe jo të Kryeministrit.