Një vajzë adoleshente është detyruar të ulet në gjunjë dhe të shikonte të dashurin e saj duke u rrahur e më pas duke u vrarë, përpara se një vrasës ta therte.
Jerrod Baum, 41 vjeç detyroi Brelynne ‘Breezy’ Otteson të shikonte ndërsa vriste të dashurin i saj Riley Powell e më pas ta hidhte në minierë.
Edhe pse Baum mendonte se 17 vjeçarja ishte shtatzënë, por në fakt nuk ishte, ai i preu fytin dhe e hodhi trupin e saj në të njëjtën minierë.
Prokurori i Qarkut të Utah, Chad Grunander nuk shpjegoi pse Baum besonte se Otteson ishte shtatzënë para se të priste fytin e saj.
Baum është akuzuar për 8 vepra penale, duke përfshirë dy akuza për vrasje të rëndë, rrëmbime dhe përdhosje të një trupi njerëzor.
Baum mund të përballet me dënimin me vdekje nëse dënohet për vdekjen e Otteson dhe të dashurit të saj, Powell 18-vjeçar, i cili sipas autoritetet ishte goditur me thikë në ijë.
Famijarët kanë kërkuar dënimin me vdekje.
“Ai nuk e meriton të jetojë,”- tha Bill Powell, babai i 18-vjeçarit. “Ne si taksapagues nuk kemi nevojë ta mbështesim dhe t’i japim atij jetë, sepse ai mori jetë.”
Policia thotë se Baum vrau çiftin pasi ata vizituan të dashurën e tij. Adoleshentët mungonin prej 3 muajsh dhe trupat e tyre janë gjetur javën e kaluar në një minierë rreth 75 milje në jug të Salt Lake City.
Zbulimi i ngjarjes erdhi kur e dashura e Baum, Morgan Henderson, 34 vjeç, u arrestuar për një rast tjetër dhe ajo i dërgoi ata tek trupat e tyre.
Ishte Henderson që dëshmoi vrasjet. Në makinë e saj gjatë një kontrolli policor u gjet një sëpatë, një pushkë dhe thika.
Policia po heton nëse edhe ajo ishte bashkëpunëtore në ngjarje.
