Përfaqësues të sektorit bujqësor dhe blegtoral kanë ngritur shqetësimet për fondet e mbështetjes së fermerëve nga qeveria, duke deklaruar se skemat e subvencioneve kanë qenë të dështuara.
Arsyet kryesore janë dy: buxheti i ulët dhe mungesa e eficiencës.
“Një shembull i qartë është skema e këtij viti. Aplikuesit për skemën e subvencioneve janë 5852, ndërkohë sipas statistikave të qeverisë janë 353 mijë familje fermere. Ministri i Ekonomisë po fliste për shpenzimet e Rrugës së Kombit që i duhen akoma edhe 200 milionë euro. 200 milionë euro do e gjithë bujqësia subvencione brenda një viti”,- tha Agron Duka.
Një nga çështjet e ngritura në takimin me ekspertë të fushës, për subvencionet në bujqësi, ka qenë edhe ajo e taksave të larta për produktet bujqësore dhe blegtorale.
“Jemi i vetmi vend në Europë që aplikojmë 20% TVSH, për produktet bujqësore dhe blegtorale, për imputet bujqësore. Tatimi i fitimit të këtij sektori që ne kërkojmë ta zhvillojmë se është i prapambetur vazhdon të jetë i barabartë me tatimin e ftimit që paguan një oligark. Çmimi i naftës është i barabartë me çmimin e naftës që paguan për makinën e një pushtetari”,- ka thënë Petrit Ago.
Ndërsa kreu i Dhomës së Tregtisë dhe Industrisë, Nikolin Jaka, deklaroi se për shkak të tarifave të larta doganore, produktet shqiptare nuk konkurojnë dot jashtë vendit, ndërkohë që tregu shqiptar është mbushur me produkte të huaja që janë në prag të skadencës.
Nikolin Jaka: “Ne akoma vazhdojmë të kemi një prurje të jashtëzakonshme të produkteve blegtorale nga Rajoni dhe Europa. Sot tregu shqiptar është i mbushur me produkte të freskëta me një muaj skandencë nga e gjithë Europa, nga i gjithë Rajoni. Se çfarë bën fermeri dhe çfarën bën politka shqiptare në këto gjëra, kjo është e pajustifikueshme”
Përfaqësues të bizneseve bujqësore dhe belgotrale kanë kërkuar që qeveria të rishikojë politikat e mbështetjes për këtë sektor, duke ofruar ndihma konkrete si dhe të zgjidh çështjen e regjistrimit të tokës dhe femrave.
Në të gjithë vendin numërohen rreth 400 mijë fermer, të cilët përbën 35% të numrit total të të punësuarve.
