Ish-lojtari i Stoke City dhe Liverpool, Charlie Adam, foli në “TalkSport” për ekipin e tij të vjetër, në të cilin ishte gjatë një sezoni të vetëm. Mesfushori skocez u pyet për sezonin e ardhshëm të Liverpool dhe është i bindur se Jurgen Klopp mund ta fitojë titullin në Premier League: “Ata janë në gjendje për ta fituar titullin dhe besoj se me Klopp në krye do ta bëjnë këtë”.
Megjithatë, që kjo të përmbushet, “Reds” duhet të përforcohen me një, ose dy lojtarë, edhe pse mesfushori i Leipzig, Naby Keita, ka nënshkruar prej muajsh. Nga ana tjetër, Charlie Adam u pyet për njeriun “në modë” të ekipit, Mohamed Salah. Sulmuesi egjiptian po zhvillon një sezon të madh, me 37 gola në 43 ndeshje, por skocezi nuk mendon se ai duhet të transferohet te skuadra si Real Madrid dhe Barcelona: “Ku do të shkojë? Është e vështirë për të, mendoj se do të qëndrojë këtu”.
