Pas akteve të dhunëshme në “Rrugën e kombirt” kundër vendosjes së taksës për automjetet, 23 protestuesit e arrestuar priteshin të dilnin sot përpara Gjykatës së Kukësit për t’u njohur me masën e sigurisë. Por burime pranë Gjykatës së Kukësit bëjnë me dije se të arrestuarit do dërgohen në Gjykatën e Tiranës, për shkak se ajo e Kukësit nuk ka kapacitete për gjykimin e një numri të madh personash, në rastin konkret janë 23 të cilët presin të mësojnë nëse janë të ligjshëm ose jo urdhërarrestet e Prokurorisë ndaj tyre.
Pjesa më e madhe e protestuesve, 13 prej tyre ndodhen në Drejtorinë e Policisë në Tiranë, ndërsa pjesa tjetër, 10 protestues në komisariatin e Policisë së Kukësit. Mbi protestuesit rëndojnë katër akuza, ajo e tubimit të paligjshëm, dhunë dhe kundërshtim ndaj policisë si dhe shkatërrim të pronës publike.
Prokuroria pritet që ta ndryshojë kërkesën e masës për ta nga “urdhër ndalimi”, në “hetim në gjendje të lirë”.
Servete Rexhemati, bashkëshorti i të cilës është ndaluar bëri thirrje që biurri i sja të lirohet, pasi kanë një fmëijë të sëmurë që duhet çuar në spital dhe gruaja nuk arrin që t’i përballojë shpenzimet e vetme: “Fëmija ka tre nete që nuk e kam çuar në spital, ka probleme të ushiqmit që nuk mund t’ia plotësoj. Bahskëshorti im është arrestuar në makinë, ku flinte gjumë gjithmonë, për të mbrojtur makinën e vet. Dua personin e jetës që të vijë në familje, të marri fëmijën e vet dhe ta çojë te spitali se unë nuk kam të ardhura,” – tha ajo.
Të shtunën protestuesit u përplasën me policinë në “Rrugën e Kombit” duke hedhur në drejtim të tyre gurë dhe sende të tjera të forta si dhe shkatërruan sportelet e koncesionarit që do mbledhë taksën për automjetet që do kalojnë përgjatë kësaj rruge. Publikoi një ditë më parë pamjet ekskluzive të shkatërrimit të sporteleve të firmës nga qytetarët të cilët mbanin në duar sende të forta si gurë, hekur e drurë.
Protestuesit kundërshtojnë taksën, ndërsa banorët e zonave të Kukësit i kanë kërkuar qeverisë të rishikojë vendimin dhe të vendosë një çmim më të lirë se 5 euro sa është aktualisht.
