Teksa vijon protesta para Drejtorisë së Policisë në Tiranë për të arrestuarit e disa personave të cilët akuzohen për shkatërrim të pronës publike gjatë protestës në Kalimash dy ditë më parë situate politike duket se është nxehur.
Mbrëmjen e sotme PD dhe LSI në një mbledhje të përbashkët vendosën të nisin bojkotin në komisione dhe mosbindjen civile.
Ndërsa analisti Fatos Lubonja i pranishëm në “Studio e Hapur” në News 24 tha se kjo situatë është provokuar nga qeveria.
“Këtu nuk kemi cilës stinor. Mendoj që kjo që ndodhi është rezultat i politikave, i një sistemi të ngritur që ka marrë thekset të veçanta me qeverisjen Rama i bazuar në grabitjen dhe gënjeshtra. Qeverisja është në shërbim të interesave të një grupi oligarkësh ku kryeministri nuk pyet as për reagimin e populli dhe me arrogancën më të madhe i kthen të gjitha kokëposhtë dhe punon për oligarkët. Punon bashkë me ta dhe përdor mjetet e tyre për të qeverisur vendin. Për të realizuar qëllimet e veta përdor badigardët e pronarëve dhe jo policinë. Për të bërë investime përdor paratë e tyre, që në disa raste janë edhe para krimi. Iu grabitet prona në jug dhe pastaj bën një projekt.
Vendos sipas qefti dhe e rrethon me një oligark nga Fieri që nuk dihet se nga i ka këto 50 milionë euro që do të investojë. Nuk pyet as ekspertët. Ku të shkojnë njerëzit. Protestë kanë bërë, fjalë kanë thënë. Njerëzit janë të dëshpëruar. Kjo është dhunë e nxitur nga qeveria. Trajton popullin si të kastruar,” tha Lubonja.
