Policia indiane është në kërkim të një majmuni që dyshohet se vodhi një fëmijë nga shtëpia, trupi i të cilit u gjet më vonë në një pus, në shtetin lindor indian të Orissa.
Nëna e foshnjës tha se pa gjithçka, por ajo nuk mundi ta shpëtonte djalin e saj, raportoi BBC.
Majmunët shpesh hyjnë dhe plaçkitin shtëpitë në Orissa dhe në pjesë të tjera të Indisë, zakonisht në kërkim të ushqimit.
Ato nuk janë krijesa të turpshme dhe janë hajdutë të njohur. Janë të njohur për të sulmuar njerëzit, por një zyrtar i policisë i tha BBC se incidenti i fundit besohej të ishte i pari i këtij lloji në Indi, ndonëse të paktën një fëmijë tjetër vdiq pasi u rrëmbye nga një majmun në Malajzi.
“Ndërsa majmunët që sulmojnë njerëzit ose hyjnë në shtëpi në kërkim të ushqimit janë mjaft të zakonshëm, ky është rasti i parë në të cilin majmuni ka ikur me një fëmijë”, tha një zyrtar lokal për BBC. Ai tha se autoritetet shpresojnë të kapin primatin “brenda javës”.
