Pas zjarrit të rënë në një qendër tregtare në Rusi, që i mori jetën dhjetëra njerëzish, gurvenatori i rajonit ka dhënë dorëheqjen.
Aman Tuleyev tha se largimi nga qeverisja e Kemerovo ishte “e drejta, e vetëdijshme dhe i vetmi vendim i vërtetë” pas katastrofës.
Ai njoftoi largimin përmes një video të postuar në faqen zyrtare të administratës.
Zjarri i rënë në muajin e kaluar u mori jetën 60 njerëzve, ku shumica prej tyre fëmijë.
Mijëra njerëz protestuan pas tragjedisë, duke dyshuar kushtet e sigurisë në qendrën tregtare.
Hetuesit thanë se alarmi i zjarrit ishte prishur dhe daljet ishin bllokuar, teksa rojet e sigurisë, të cilët duhej të ndihmonin me evakuimin emergjent, ishin midis të parëve që u larguan kur ra zjarri.
