Qindara efektivë të policisë të përbërë nga Forcat e Ndërhyrjes së Shpejtë, të mbërritur nga Tirana dhe Shkodra, mësynë në Kukës gjatë orëve të natës dhe mëngjesit të sotëm.
Fillimisht janë pikasur personat që dyshohet se ushtruan dhunë dhe më pas dogjën zyrat e kompanisë konçensinare gjatë protestës së djeshme. Informacinet janë marrë nga policia lokale, por edhe duke përdorur pamjet filmike që ishin të shumta në momentin e protestës. Çdo gjë ka qenë e mirëkoordinuar me Prokurorinë e Rrethit Kukës, e cila kishte marrë urdhrin nga Prokurorja e Përgjithshme që të “bindej” kërkesave të policisë, e cila nisi fushatën e ndëshkimit.
Familjarët e të arrestuarve kanë përjetuar natë tmerri ku në orët e para të mëngjesin kanë mbërritur dhjetara furgonë të cilët kanë shoqruar në ambientet e Komisariatit të Kukësit një numër të madh qytetarësh. Gjithashtu në lëvizje është venë edhe Komisariati i Tropojës dhe Hasit, ku janë shoqëruar disa persona, të evidentuar në protestë.
