Një valixhe e dyshimtë është konstatuar pranë Pallatit të Kongreseve në Tiranë. Kanë qenë disa qytetarë që kanë njoftuar policinë. Në vendin e ngjarjes kanë mbërritur efektivë të “Shqiponjave” të cilët kanë rrethuar zonën për të krijuar një parametër sigurie.
Nga të dhënat e para dyshohet se valixhja mund të jetë lënë qëllimisht për të shkaktuar kaos, por për të hequr çdo lloj dyshimi pritet që mbërrijnë forcat e xhenios. Në jo pak raste ka pasur alarm për bombë, por ka rezultuar alarm fals, ku valixhet ose kanë humbur, ose janë lënë qëllimisht nga persona të ndryshëm për të shkaktuar tension.
Nuk dihet ende nëse kjo situatë ka lidhje me gjendjen e krijuar prej dy ditësh pas protestave masive dhe të dhunshme në Rrugën e Kombit.