Sipas një shkrimi të “Bild”, do të jetë e pamundur që Löw të marrë përsipër drejtimin e një ekipi futbolli pas përfundimit të Kupës së Botës.
Trajneri i Kombëtares së Gjermanisë është etiketuar nga L’Equipe se mund të jetë trajneri i ardhshëm i PSG.
Por, sipas të rejave të fundit, për Joachim Löw mund të ketë ndryshime pas përfundimit të Kupës së Botës në Rusi, pasi mund të marrë drejtimin e kampionëve të Bayern Munich, por “kjo nuk është aspak temë”.
Këtë gjë tha Löw para ndeshjes miqësore të luajtur të martën në Berlin kundër Brazilit në intervistën e dhënë për ZDF. Për atë, Kupa e Botës është në qendër të vëmendjes, kështu që “ka arsye të tjera për t’u stresuar sesa Bayern-i”, shtoi 58-vjeçari.
Löw, vijon që ketë kontratë të vlefshme deri në vitin 2020 me Federatën Gjermane të Futbollit, ndërsa gjatë ditëve të fundit është etiketuar se do të marrë vendin që do të lihet bosh nga Jupp Heynckes në fundin e sezonit.
Bayern Munich është duke parë për një trajner të ri pas largimit të Heynckes, i cili do të dalë në pension, ndërkohë që Thomas Tuchel ka refuzuar që të jetë trajneri i bavarezëve për sezonin e ardhshëm.
