Kisha e Shirqit në Dajç është kthyer në një ishull mes ujit dhe për të shkuar drejt saj nevojitet përdorimi i varkës.
Kisha e Shirqit, në brigjet e lumit Buna, qëndron si monument i rrallë i arkitekturës mesjetare shqiptare, me mbi 700 vjet histori, por që uji po e dëmton çdo ditë.
Historianet e kanë dokumentuar ndërtimin e saj në vitin 1290 nga mbreterësha frënge, Helene!
Por studimet e tjera kanë vënë në dukje se ajo e ndërtoi kishën mbi themelet e një manastiri të urdhrit të Shën Benediktit, të themeluar nga Perendori Justinian.
Ky vend ka qenë i preferuari i shumë prijësve të Ballkanit për ceremoni martesore, por sot ndodhet në rrezik nga harresa dhe uji që e përmbyt.
Të rrethuara nga uji në të gjithë Bashkinë Shkodër këtë të premte janë 100 banesa, ndërsa 2710 ha tokë janë ende të përmbytura.
Rruga Shirq-Darragjat kalohet me makinat e larta të ushtrisë, ndërsa në Dajç janë rrëzuar disa shtylla të energjisë elektrike.
Bashkia e Shkodrës thotë se ka rivënë në punë, pompat e ujësjellësit të Dajçit, ndërsa vijon shpërndarja e ushqimeve dhe bazës ushqimore për kafshët banorëve të prekur nga përmbytjet.
