Jemi të vetëdijshëm se ne “spiunohemi” nga rrjetet sociale, duke u cënuar kështu privatësia jonë. Një aplikacion i ri ka hyrë në lojë, duke na lejuar të përdorim të gjitha ato të dhëna që këto aplikacione ruajnë për të spiunuar të gjitha kontaktet që keni në WhatsApp. I disponueshëm tashmë në iOS, Chatwatch përfiton nga funksioni i statusit offline, i cili u lejon miqve të dinë se kur jeni të gatshëm për të folur.
Duke përdorur këto të dhëna, aplikacioni mund t’ju tregojë se sa shpesh miqtë tuaj e kontrollojnë WhatsApp-in, madje mund të kuptojnë se kur ata shkojnë për të fjetur, e kur janë zgjuar në mëngjes. Chatwatch mund të kombinojë të dhënat e WhatsApp-it të dy kontakteve të caktuara së bashku, për të kuptuar nëse personat po flasin së bashku.
