Trazimi i konsumatorëve të Anglisë nga inflacioni më i shpejtë, rritja e ngadaltë e pagave dhe pasiguria e Brexit vazhdojnë të ndikojnë në ekonomi, duke reflektuar në rënien e çmimeve të banesave dhe shpenzimet e dobëta.
Nationwide Building Society tha se vlerat kanë rënë për muajin e dytë radhaz në mars dhe Banka e Anglisë raportoi rënie më të madhe krahasuar me parashikimet, përsa i përket miratimit të hipotekave.
Statistikat e detajuara për fundin e 2017 shpjeguan pse familjet janë nën presion, me të ardhura reale të disponueshme që bien për herë të parë në pothuajse një vit.
Shifrat dalin një vit nga dita para se Britania e Madhe të largohet nga Bashkimi Evropian, një vendim që ka pasur pasoja të mëdha për ekonominë.
Pamja që ata pikturojnë është ajo që mbizotëronte në sfond gjatë vitit të kaluar, me rënien e poundit pas referendumit të Brexit të vitit 2016 që nxiti inflacionin. Kjo ka shtypur kërkesën e konsumatorit dhe rritjen ekonomike, e cila parashikohet të ngadalësohet për të katërtin vit në 2018.
Shifrat e publikuara nga zyra e statistikave treguan se të përshtatura për inflacionin, të ardhurat e disponueshme për frymë ranë 0.1 për qind në tremujorin e katërt. Shpenzimet e konsumit u rritën 0.3 për qind, duke treguar dobësimin më të madh në tre vjet.
Kjo ndihmon për të shpjeguar problemet që përfshijnë sektorin e shitjes me pakicë, ku dyqanet e zinxhirit të B & Q të materialeve të shtëpive janë përshtatur situatës.
Shitësi Moss Bros ka paralajmëruar për kushte të vështira tregtare. BOE, madje tha këtë javë se është duke parë shenja të “shqetësimit financiar” në industri.
Indeksi i Shitësve të Përgjithshëm, i cili përfshin zinxhirët e veshjeve dhe dyqanet me materiale për shtëpi, ka rënë pothuajse 8 për qind këtë muaj, duke e bërë kështu treguesin e dytë më të keq në Indeksin e FTSE 350.
Ndërsa inflacioni ka rënë në muajt e fundit dhe rritja e pagave po fillon të rritet, ky lajm i mirë për ekonomitë familjare nuk ka të ngjarë të japë shpenzime të menjëhershme, ndërsa punëtorët ende nuk shohin rritje të të ardhurave reale.
Të enjten, GfK minimizoi një përmirësim në indeksin e besimit të konsumatorit në mars, duke thënë se është “ende pak herët për të folur për fidanët e gjelbër”
Nationwide tha në raportin e strehimit se Londra mbeti tregu më i dobët, me çmime poshtë 1 përqind në mars nga një vit më parë. Kjo përputhet me sondazhet e tjera që tregojnë qytetin se është duke marrë goditjen më të madhe nga parashikimet.
Shefi i Nationwide Robert Gardner përmendi besimin e zvogëluar dhe goditjen e fort në xhepat e punëtorëve nga inflacioni.
“Aktiviteti ekonomik i nënshtruar dhe shtrëngimi i vazhdueshëm i buxheteve të ekonomive familjare ka të ngjarë të vazhdojë të ushtrojë një tërheqje modeste në aktivitetin e tregut të imobiliareve”, tha ai.
