Federata Greke e Futbollit ka dhënë dënim të ashpër për PAOK-un dhe presidentin e saj që disa javë më parë terrorizoi lojtarët duke u futur në fushën e lojës me armë në brez.
“Ndeshje e humbur, minus 3 pikë këtë sezon dhe një gjobë 100 mijë euro për presidentin e PAOK-ut”, shkruan e përditshmja spanjolle “AS”.
Ky është dënimi i “hekurt” që plotësohet me përjashtimin e presidentit të PAOK-ut, Ivan Savidhis i cili për 3 vite nuk do të lejohet të futet në asnjë stadium.
Kampionati grek u ndërpre pas ndeshjes Paok-AEK, ku presidenti i selanikasve, Ivan Savidhis u fut në fushë i armatosur, teksa videot dhe fotot bënë xhiron e botës.
