Policia e Tiranës ka shkatërruar një rrjet prostitucioni në Tiranë, ku janë arrestuar dy femra të cilat e ushtronin veprimtarinë e tyre përmes internetit.
Nga operacioni ra në pranga B.S., 30 vjeçe, banuese në Tiranë, administratore e “Chat Line” dhe A.K., 27 vjeçe, banuese në Tiranë, për “Prostitucion”.
Ndërkohë është procedura penalisht dhe M.A., 40 vjeçe, me akuzën e ushtrimit të prostitucionit.
Rrjeti i prostitucionit e ushtronte aktivitetin e tyre në një apartament në rrugën “Reshit Petrela”.
Policia sekuestroi në cilësinë e provës materiale 2 kompjuterë dhe pajisje të ndryshme që përdoreshin për kryerjen e aktivitetit.
Njoftimi i policisë
Finalizohet me sukses operacioni “Chat Line 5”
Arrestohen 2 shtetase dhe procedohet penalisht një tjetër për veprën penale “Shfrytëzimi i Prostitucionit”, “Mbajtja e lokaleve për prostitucion” dhe “Prostitucioni”.
Nga ana e Seksionit për Trafiqet e Paligjshme të Drejtorisë Vendore të Policisë Tiranë, u finalizua me sukses operacioni “Chat Line 5”, ku u arrestuan në flagrancë shtetaset:
- B.S., 30 vjeçe, banuese në Tiranë, administratore e një studioje “Chat Line” për veprën penale “Shfrytëzimi i Prostitucionit” dhe ” Mbajtja e lokaleve për prostitucion”, parashikuar nga neni 114/2 dhe 115 i Kodit Penal.
- A.K., 27 vjeçe, banuese në Tiranë, për veprën penale “Prostitucion”.
Gjithashtu u procedua penalisht për veprën penale “Prostitucioni” shtetasja:
- M.A., 40 vjeçe.
Nga veprimet hetimore rezulton se shtetasja B. S., dyshohet se prej një kohe të gjatë, punësonte vajzat e mësipërme dhe i shfrytëzonte ato për prostitucion virtual nëpërmjet internetit, aktivitet i cili kryhej në një apartament në rrugën “Reshit Petrela”.
Gjatë kontrollit në këtë apartament u gjetën dhe u sekuestruan në cilësinë e provës materiale:
2 kompjuterë dhe pajisje të ndryshme që përdoreshin për kryerjen e aktivitetit.
Materialet proceduriale i kaluan Prokurorisë së Rrethit Gjyqësor Tiranë, për veprën penale “Shfrytëzimi i prostitucionit”, “Mbajtja e lokaleve për prostitucion” të parashikuara nga nenet 114/2 dhe 115 të Kodit Penal për shtetasen B.S., dhe për veprën penale “Prostitucioni” parashikuar në nenin 113 për shtetaset A.K., dhe M.A.
