Fëmijët në Francë do të nisin shkollën në moshën 3 vjeçare dhe jo më 6 vjeç.
Presidenti francez Emmanuel Macron ka marrë vendimin që fëmijët nga mosha tre vjeç do të kërkohen të ndjekin shkollën, duke këmbëngulur se nëse fëmijët do të jenë në shkollë që në moshë të vogël, aq më të larta do të jenë mundësitë që të kenë sukses dhe të integrohen në shoqëri.
Ky ndryshim synon të reduktojë pabarazinë në arsim, pasi prindërit në zonat më të varfra të Francës dhe territoret e përtej detit kanë më pak mundësi për t’i bërë fëmijët e tyre pjesë të sistemit parashkollor.
Gjithashtu fillimi i shkollës në moshë të vogël, mund të ndihmojë në zvogëlimin e ndjenjës së tjetërsimit që ka nxitur shumë të rinj francezë të kthehen në ekstremizëm islamik, argumentoi presidentin francez.
“Shpresoj që përmes këtij detyrimi, me fillimin e vitit shkollor 2019 do të kemi mundësi ta korrigjojmë më në fund për dallim të papranueshëm”, u shpreh Macron, që e cilësoi ndryshimin një moment kyç në sistemin arsimor francez.
Aktualisht, shkolla është e detyrueshme në moshën gjashtë vjeçare, kur fillon shkolla fillore, por në të vërtetë shumica dërrmuese, pothuajse 98 përqind e trevjeçarëve ndjekin çerdhe.
Macron tha se kishte ardhur koha që të mos shihej si “një opsion” dhe se rregulli i ri do të zbatohej që nga fillimi i vitit shkollor në shtator 2019-të.
