Situata mes Serbisë dhe Kosovës është tensionuar ndjeshëm ditët e fundit, fill pas arrestimit të zyrtarit serb Marko Gjuriç pak ditë më parë.
Mediat kosovare madje flasin për një provokim të serbëve, si kundërpërgjigje ndaj arrestimit të zyrtarit të Beogradit.
Kështu raportohet se mbi Luginën e Preshevës, janë parë këto ditë të fluturojnë avionë ushtarakë serbë, edhe pse ende nuk ka një njoftim zyrtar mbi prezencën dhe arsyen e tyre, në një nga zonat e banuara nga shqiptarë.
Pamjet po bëjnë xhiron e rrjetit, ku shihet qartë avioni që fluturon mbi Luginën e Preshevës.
