Vendimi për taksën në Rrugën e Kombit duket se është “eksperimenti social” më i ri që vendosi qeveria Rama. Parashikohet që të paguhet tarifa 5 euro për veturat dhe 22.5 euro për kamionët, por kjo nismë e qeverisë mund të rrëzohet, nëse gjykatat nuk janë të kapura. Në parimin kushtetues, është e parashikuar që nuk mund të paguhen me shumë se dy lloje taksash për të njëjtin funksion.
Sipas revistës “Monitor”, aktualisht qytetarët shqiptarë paguajnë rreth 120 milionë euro taksa nga qarkullimi (507 milionë litra nafte konsum vjetor me 2016 x 32 lekë takse qarkullimi +TVSH). Ndërkohë fondet që akordoi buxheti i shtetit për mirëmbajtjen e rrugëve vend vitin e kaluar, duke përfshirë edhe rrugën e Kombit ishin rreth 3 miliardë lekë ose 22 milionë euro. Kjo shumë është sa 18 për qind e taksës që u vol me 2016 nga qarkullimi dhe që ka destinacion mirëmbajtjen. Në këtë rast çdo përdorues automjeti paguan taksën e qarkullimit dhe sipas juristëve, nëse shtohet taksa e rrugës së kombit, atëherë kemi të bëjmë me shkelje dhe qytetarët paguajnë dy herë për një taksë, çka është antiligjore.
Por kushdo që mund të marrë nismën për ta paditur këtë vendim të qeverisë, është i dështuar që në nisje, pasi interpretimin nëse taksa e re është ose jo ligjore, duhet ta bëjë Gjykata Kushtetuese. Aktualisht ky institucion është i bllokuar në mungesë koourumi pas shkarkimit të anëtarit të saj Fatos Lulo. Ishte paralajmëruar një veprim i tillë kohë më parë ku qeveria synonte që nëpërmjet vettingut të shtrinte influencën e saj deri në bllokimin e Gjykatës Kushtetuese. Tashmë ky është fakt i kryer.
