Policia e Lezhës ka arrestuar gjashtë persona ditën e sotme, pasi iu sekuestruan 160 kg lëndë narkotike.
Arrestimi i tyre u bë nga sektori për Narkotikët dhe Trafiqet, ndërkohë që në pranga kanë rënë; Nikolin Marpalaj, 49 vjeç, banues në Lezhë, Kristjan Pepaj, 25 vjeç, banues në Shkodër, Doren Pepaj, 22 vjeç, banues në Malësinë e Madhe Shkodër, Erjon Ndoci, 29 vjeç, banues në Lezhë.
Mes tyre janë arrestuar dhe dy femra; Jolanda L, 29 vjeçe, dhe Mirsada P. 25 vjeçe, ende nuk dihet roli i saktë tyre në këtë grup të strukturuar të trafikut të drogës.
Në cilësin e provës materiale policia sekuestroi gjithashtu dhe Një armë gjahu,dy peshore elektronike, 12 telefona celularë të markave të ndryshme, një automjet tip “Golf 4” në pronësi të shtetasit Kristian Pepaj dhe një automjet tip “Mercedes Benz” në pronësi të shtetasit Erjon Ndoci.
Mbi gjashtë të arrestuarit rëndon akuza“Prodhim e shitje të lëndëve narkotike”.
